Cultura e Medioevo
Cultura e Medioevo
Pubblicazione e trascrizione di documenti medievali da archivi storici di varie epoche.
AArcPi Dipl Arciv n.1063
11 ottobre 1294
Contattaci per maggiori informazioni
Email: info@culturaemedioevo.it
In eterni dei nomine amen. Ex hoc publico instrumento sit omnibus manifestum quod Guilielmus Pandulfini de cappella sanctorum Gosme et Damiani filius quondam Pandulfi, procurator ad infrascripta et alia Guelfi Pandulfini de dicta cappella filii quondam Leonardi, per cartam ipsius procurationis rogatam et firmatam Ianue a Iacobo notario quondam Ildebrandi Urselli notario de Pisis sub annis domini MCCLXXXXII, indictione IIII, XIII Kalendas augusti, secundum cursum et consuetudinem Pisanorum, et a me Ranuccino notario visam et lectam, procuratorio nomine pro eo, fecit constituit et ordinavit dominum Ciolum Pandulfini iudicem, presentem et recipientem, suum ipsius Guelfi procuratorem et certum nuntium ad temeria capiendum et sibi dari et assignari faciedum; et ad vendendum et ad faciendum suos debitores exbanniri capi et detineri et etiam rebanniri et relaxari; et ad causandum et lites et causas pro ipso Guelfo, tam in agendo quam in difendendo, et in quibuscunque curiis faciendum incipiendum contestandum et prosequendum usque ad finem et appellandum et appellationes similiter prosequendum; et iuramentum cuiusque generis super ipsius Guelfi animam faciendum et restitutiones in integrum tam principaliter quam incidenter et emergenter et quotiens oportunum fuerit implorandum; et omnes et simgulos necessarios processus et omnia et singula que causarum merita postulant et requirunt in ipsis causis et litibus et qualibet earum ponendum et faciendum; et sententiam et sententias audiendum appellandum commictendum et prosequendum; et generaliter ad faciendum omnia et singula pertinentia ad predicta vel aliquid eorum, et omnia et singula sine quibus predicta explicari seu compleri non possent, in omnibus et per omnia prout ipsemet Guelfus personaliter facere posset.
Qui Guelfus in suprascripta carta procurationis promisit ad penam dupli firma et rata omni tempore habere omnia et singula que ipse Guilielmus, procuratorio nomine pro ipso Guelfo, et que procuratores qui ab ipso Guilielmo fore substituti vel costituti et facti aut alter eorum duxerint et duxerit semelet pluries facienda.
Et promisit suprascripto Iacobo Ildebrandi notario, vice et nomine illorum omnium quorum interest et intererit, de iudicio sisti et de rato et iudicato solvendo, in omnibus casis stipulationum sub ypotheca et obligatione bonorum suorum omnium.
Actum Pisis in apotheca quam conducit dictus Guilielmus in pedali Dodonum et Gaitanorum quod est in capite Pontis Novi, presentibus Iohannecto sutore quondam Ricoveri et Ligo quondam Tedicis de Liburna, testibus ad hec rogatis, dominice incarnationis anno MCCLXXXXIIII, indictione VII, III Idus octubris.
(S) Ego Ranuccinus filius quondam Ildebrandi Urselli, imperatorie dignitatis iudex ordinarius atque notarius, predictis omnibus interfui et rogatus scripsi et in publicam formam redegi.