Medioevo Livorno
Cultura e Medioevo
Pubblicazione e trascrizione di documenti medievali da archivi storici di varie epoche.
28 – 29 agosto 1290
Archivio Arcivescovile di Pisa. Diplomatico Fondo Arcivescovile n. 1036.
Edizione:
Le carte arcivescovili pisane del secolo XIII, III (1272-1299), cur. N. Caturegli & O. Banti, Roma 1989, pp.259-269 n.508.
Note:
La pergamena non è più reperibile fin dal 1989.
Regesto:
Conetto Gualandi e Betto da Vico, eletti arbitri nella causa, delegata dai giudici della curia dell’uso, tra Benvenuto, camerario e procuratore dell'arcivescovo, e Bencivenne da Cevoli, notaio procuratore di Done da Fasiano, della cappella di San Cristoforo in Kinsica, e di Abandonato, della cappella di San Leonardo in Pratuscello, relativa alla fideiussione fatta da Done e da Abandonato all'arcivescovo per le persone di Salimbene da Nugola e dei suoi figli Ranieri, Bellomo (o Belluccio) e Betto (o Bergo), rei di avere ucciso, insieme con altri, Ingheramo Usinbardi da Nugola, e perciò condannati dal visconte vicario dell'arcivescovo con bando di 2000 lire e contumaci, sentite le parti ed esaminati i documenti prodotti dal procuratore dell'arcivescovo, condannano i due garanti a pagare al ricorrente 500 lire di penale più le spese processuali. Il nunzio del comune notifica la sentenza arbitrale alle parti soccombenti.
Fatto in Pisa.
Rogò Michele da Titignano figlio di Giovanni notaio.
[Testo dall’edizione Caturegli-Banti, 1989]:
In [eterni] dei [nomine] a[men. Nos Co]nectus et Orlandus et Bectus de Vico, iudices, arbitri ex compromisso electi a domino Benvenuto, p[reposito Castillionis Piscarie, cammerario et] generale negotiorum gestore venerabilis patris domini Ruggerii d[ei gratia] Pisani archiepiscopi et ipsius archiepiscopatus, per cartam inde rogatam et firmatam a Iohanne notario, filio Quactri de Pistorio, sub annis domini MCCLXXXVI, indictione XIII, die vigesima quarta mensis aprilis, cammerariatus et negotiorum gestorio nomine pro eisdem ut in carta ipsius compromissi, rogata a Iohanne notario de Oratorio sub annis domini MCCLXXXX, indictione III, XVIII Kalendas ianuarii plenius continetur, ex parte una, et Done de Fasiano quondam Tedischi, de cappella sancti Christofori Hinthice, et Abandonato quondam Laboratoris, de sancto Leonardo in Pratuscello, pro se ipsis et Benvenne notario eorum procuratore, procuratorio nomine pro eis, ex altera, ad omnes lites et discordias et controversias quas inter se habent seu sperant habere et que coram nobis mote fuerunt causa et occasione fideiussionis et promissionis, quam idem Done et Abandonatus, eidem domino archiepiscopo vel alii persone pro eo, fecerunt, fideiussiorio nomine, pro Salinbene quondam Deotisalvi de Nubila et Nerio et Bellomo filiis eiusdem Salinbenis, quacumque alia occasione et causa; et pro qua promissione et omnibus et singulis promissione contentis, eisdem Done et Abandonato ex parte iudicum curie usus missa fuerunt propterea disponendas a nobis per ractionem tantum; ipsas quidem lites et discordias per ractionem tantum sic disponimus.
Siquidem Tedicius Muzaccus et Iohannes notarius de Oratorio, sindici et procuratores venerabilis patris domini Ruggerii, dei gratia Pisani archiepiscopi, et ipsius archiepiscopatus, sindicatus et procuratorio nomine pro eisdem, et quilibet eorum, agebant adversus et contra suprascriptos Donem et Adbandonatum et quemlibet eorum in solidum, ita quod una soluctione facta, liberactio contingat, petebant ab eis et quolibet eorum, eo modo ut dictum est, libras D denariorum Pisanorum minutorum, pro pena et nomine pene, in quam eisdem domino archiepiscopo et archiepiscopatui inciderunt, et expensas cause factas et faciendas et bona eorum et cuiusque eorum eisdem domino archiepiscopo et archiepiscopatui obligata pro predictis, omni iure, quo melius poterant, et arbitrorum officio.
Donus et Abandonatus suprascripti, salvo si suprascripti Tedicius et Iohannes sunt veri, vel esse possunt, sindici et procuratores suprascripti domini archiepiscopi et archiepiscopatus, quod non credebant; et salvo si aliquid eiusdem, domino archiepiscopo et archiepiscopatui debebant de predictis, quod non credebant, quod obiciebant eis compensactionem; et salvis et protestactionibus eorum et cuiusque eorum, et cuiusque eorum exceptionibus et defensionibus, eis et cuicumque eorum competentibus et competituris usque ad finem cause: quas omnes in principio litis et ante litem contestatam opponebant et protestabantur.
Hiis salvis et premissis, respondebant quod non credebant se teneri eis vel alicui eorum in aliquo de predictis, defendentes se omni iure quo melius poterant et arbitrorum officio.
Tedicius et Iohannes suprascripti, sindici et procuratores suprascripti domini archiepiscopi et archiepiscopatus, sindicatus et procuratorio nomine pro eisdem et quolibet eorum, lite cepta cum suprascripto Tedicio, interrogati si sciunt vel credunt quod Salinbene quondam Deotisalvi de Nubila et Nerius et Bellomus, eiusdem Salinbenis filii, presentia, consensu dicti eorum patris, simul et quilibet eorum in solidum, promiserunt et convenerunt Spuntino, clerico et familiari dicti domini archiepiscopi, pro ipso domino archiepiscopo recipienti et stipulanti, stare et obedire mandatis omnibus ipsius domini archiepiscopi, quotiens et que eis fecerit et fieri fecerit, omnibus exceptionibus ab eis et quolibet eorum commissis et commictendis et pro omnibus aliis causis et occasionibus sese et quilibet eorum, coram ipso domino archiepiscopo personaliter presentare totiens et quotiens ipsi vel alter eorum fuerit, personaliter vel ad domum, ex parte suprascripti domini archiepiscopi requisiti et solvere omnem comdempnactionem faciendam de eis vel altero eorum occasionibus suprascriptis, ad penam librarum D denariorum Pisanorum pro quolibet eorum, sub obligatione bonorum eorum et cuiusque eorum, et pro quibus Salinbene, Nerio et Bellomo et quolibet eorum in solidum, et eorum precibus et rogatu, suprascriptis Donus et Abandonatus, pro predictis omnibus observandis et faciendis in solidum extiterunt fideiussores.
Bencivenne notarius de Ceuli, procurator suprascriptorum Donis et Abandonati, procuratorio nomine pro eis, respondit quod, ut in carta inde rogata per Iohannem Quactuor notarium continetur, credito Donus et Abandonatus suprascripti sub iuramento responderunt idem, ut dictus eorum procurator.
Postea procurator suprascriptus respondit quod credit, ut ponitur, protestando exceptiones suas sibi salvas esse, si contrarium appareret.
Item interrogati si de dicta promissione et conventione et obligatione et etiam fideiussione, et omnibus et singulis suprascriptis est publicum instrumentum rogatum per notarium et infra et supra queratur.
Bencivenne notarius suprascriptus respondit quod in carta inde rogata a suprascripto Iohanne notario credito. Donus et Abandonatus suprascripti sub iuramento respondent idem. Pro[curator] suprascriptus postea respondit quod pendet et non credit, protestando, ut supra.
Item interrogati si sciunt vel credunt quod dicti Salinbene et Rainerius et Bellomus, una cum quibusdam aliis, contra mandata suprascripti domini archiepiscopi et promissionem et penalem stipulationem factam ab eis suprascripto domino archiepiscopo, vel alii persone pro eo recipienti, interfecerunt Ingherramum quondam Usinbardi de Nubila post promissionem. Bencivenne, notarius suprascriptus, procurator suprascriptorum Doni et Abandonati, procuratorio nomine pro eis respondit quod non credit, protestando exceptiones suas sibi salvas esse si contrarium appareret.
Item, interrogati si sciunt vel credunt quod de dicto maleficio fuit facta inquisitio contra predictos Salinbenem et Rainerium et Bellomum et quosdam alios per vicarium domini archiepiscopi suprascripti. Procurator suprascriptus respondit quod non credebat, protestando ut supra.
Item, interrogati si sciunt vel credunt quod suprascripti Salinbene, Rainerius et Bellomus, occasione predicti maleficii, fuerunt requisiti ad domos eorum habitationis positas Nubile, cum proclamatione, per apparitorem domini archiepiscopi, ex parte vicarii domini archiepiscopi, ut deberent venire se defensuri, occasione dicte inquisictionis, coram dicto vicario et se coram eo representare occasione promissionis facte ab eis suprascripto domino archiepiscopo vel alii persone pro eo et infra et supra. Interrogatus, procurator suprascriptus respondit quod non credit, protestando ut supra.
Item, interrogati si predicti Donus et Abandonatus, et quilibet eorum, fuerunt requisiti ex parte domini archiepiscopi suprascripti, per legiptimam personam ipsius domini archiepiscopi, ut deberent representare coram suprascripto domino archiepiscopo vel eius vicario suprascriptos Salinbenem et Rainerium et Bellomum et quemlibet eorum, pro excessibus ab eis commissis, contra promissionem et penalem stipulationem ab eis et quolibet eorum factam et pro quibus Salinbene et Rainerio et Bellomo, et quolibet eorum in solidum, suprascripti Donus et Abandonatus, eorum precibus et mandato, estiterunt fideiussores et facere et fieri facere eis omnia et singula que facere tenentur ex forma promissionis, quam eidem domino archiepiscopo vel alii persone pro eo fecerunt per cartam rogatam a Iohanne notario de Quactuor, ad penam, in ipsa carta comprehensam, et infra et supra. Interrogati, procurator suprascriptus respondit quod non credit, protestando, ut supra. Procurator suprascriptus respondebat quod non credebat, protestando, ut supra.
Item interrogatus si commune et homines de Nubila sunt et fuerunt fideles de iuridictione et sub iuridictione suprascripti domini archiepiscopi suprascripti archiepiscopatus, iam sunt anni X, XX, XXX et ultra cuius tempus non extat memorie et ab eo tempore citra et per ipsum tempus, currunt nunc annis domini MCCLXXXX, indictione III, de mense ianuarii, et infra et supra. Interrogatus, procurator suprascriptus respondit quod credit.
Item, interrogati si sciunt vel credunt quod dicti Salinbene et Rainerius et Bellomus, eius filii, et quidam alii, occasione accessus commissi ab eis in dictum Ingherramum, ex inquisitione inde facta contra eos per Tedicium Muzaccum, vicarium sive vicecomitem suprascripti domini archiepiscopi et archiepiscopatus, ex officio suo fuerunt exbanniti, quilibet eorum, in libris MM denariorum Pisanorum et in pena corporali, et infra et supra. Interrogatus, procurator suprascriptus respondebat quod non credebat, protestando exceptiones suas sibi salvas esse si contrarium appareret.
Item, interrogati si sciunt vel credunt quod predicti Salinbene, Rainerius et Bellomus, et quilibet eorum cucurerent in ipso banno. [Procurator suprascriptus] respondit quod non credit, protestando ut supra.
Item, interrogati si sciunt vel credunt quod de dicto exbannimento et denunciactione ipsius exbannimenti sit publicum instrumentum rogatum per notarium, et infra interrogatus, procurator suprascriptus respondebat quod non credebat, protestando ut supra.
Item, interrogatus si predicti Salinbene et Bellomus [et Rainerius], eius filii, fuerunt habitatores communis de Nubila de mense octubre proxime preterito fuit annus, et annus currentibus nunc annis domini MCCLXXXX, indictione III, de mense februario, in quo sumus, et infra et supra querebatur. Protestando ut supra, exceptiones [suas] sibi salvas esse, ut supra.
Item, interrogatus si Ingherramus quondam Usinbardi suprascriptus fuit interfectus in confinibus et territorio de Nubila et, mortuus, deportatus apud Nebulam, de mense octubre proximo fuit annus, et infra et supra querebatur. Procurator suprascriptus respondit quod non credebat, ut ponitur, et protestando ut supra.
[Item, interrogati] si sciunt vel credunt quod sit publice notorium in communi de Nubila et alibi inter scientes, quod predicti Salinbene et Rainerius et Bellomus, una cum quibusdam aliis suis sequacibus, interfecerunt suprascriptum Ingheramum infra confines et teritorium de Nubila de predicto mense octubre proxime preterito fuit annus, currentibus nunc annis domini MCCLXXXX, indictione III, de mense martii, in quo sumus, et infra et supra querebatur. Procurator suprascriptus respondebat quod non credebat, ut ponitur, protestando ut supra.
Item, interrogati si sciunt vel credunt quod sit publicum et notorium in communi de Nubila et alibi inter scientes quod predictus Gadduccius, una cum quibusdam suis sequacibus, interfecerunt Inghiramum infra confines de et teritorium de Nubila, de predicto mense octubri proxime preterito, fuit annus domini, currentibus nunc annis domini MCCLXXXX indictione III, de mense martii, in quo nunc sumus, et infra et supra querebatur. Procurator suprascriptus respondebat quod non credebat, protestando ut supra.
Insuper, suprascripti sindici et procuratores suprascripti domini archiepiscopi et archiepiscopatus, sindicatus et procuratorio nomine pro eisdem in suprascripta causa, induxerunt infrascripta instrumenta.
Primum quorum fuit rogatum et firmatum a Iohanne notario filio Quactri de Pistorio, sub annis domini MCCLXXXIX, indictione I, die secunda intrante augusto, quo continetur qualiter Salinbene quondam Diotisalvi de Nubila, Nerius et Bellomus, filii dicti Salinbenis, presentia, consensu dicti eorum patris, simul et quilibet in solidum, convenerunt et promiserunt per stipulationem solempnem Spuntino, clerico et familiari venerabilis patris domini Ruggerii, Pisani archiepiscopi, pro ipso domino archiepiscopo recipienti et stipulanti, stare et obedire mandatis omnibus ipsius domini archiepiscopi quotiens et que sibi et eis fecerit vel fieri fecerit pro omnibus excessibus ab eis et quolibet eorum commissis et commictendis et pro omnibus aliis causis et occasionibus, et sese coram ipso domino archiepiscopo personaliter presentare totiens et quotiens ipsi vel alter eorum fuerit personaliter vel ad domum ex parte domini archiepiscopi requisitus, et solvere omnem condempnacionem factam de eis vel altero ipsorum occasionibus suprascriptis, ad penam D denariorum Pisanorum pro quolibet, et cetera que in ipso instrumento continentur; et pro predictis omnibus observandis et attendendis, Done de Fasiano quondam Tedischi, de cappella sancti Christofori Kinthice, et Abandonatus quondam Laboratoris, de cappella sancti Leonardi in Pratusciello, precibus et rogatu suprascriptorum de Nubila, et cuiusque eorum in solidum, extiterunt fideiussores.
Secundum fuit rogatum et firmatum a suprascripto Iohanne notario, filio Quactri, sub annis domini MCCLXXXIX, indictione II, die quinto novembris, quo continetur qualiter «Nos Ruggerius, dei gratia Pisanus archiepiscopus et Sardinee primas, damus et concedimus Tice Muzacco, familiari nostro, bailiam et liberam potestatem quod possit et debeat inquirere et congnoscere et investigare de omicidio inpetrato in Ingherramum de Nubila per Salinbenem, Deotisalvi et Nerium et Bellomum, eius filios, et quosdam alteros de Nubila, vel aliquos alios et contra ipsos et fautores eorum et contra eorum fideiussores procedere» et cetera, que in ipso instrumento continentur.
Tertium fuit rogatum et firmatum a Iohanne notario de Oratorio quondam Bonaiuncte notarii sub annis domini MCCLXXXIX, indictione II, XVI Kalendas decembris, quo continetur qualiter Tedicius Muzaccus, vicarius venerabilis patris domini Ruggerii, dei gratia Pisani archiepiscopi, et ipsius archiepiscopatus, ut dicit contineri iu carta inde rogata a Iohanne fìlio notarii Quactri, vicecomitatus nomine, ut dictum est, requisivit Donum de Faziano, de cappella sancti Christofori Kinthice, fideiussorem Salinbenis, una cum Abandonato quondam Laboratoris, de cappella sancti Leonardi in Pratuscello, in solidhm, ad domum sue habitationis positam in dicta cappella sancti Christofori Kinthice, ut ipse representet suprascriptos Salinbenem et fìlios coram suprascripto domino archiepiscopo, cum dicatur ipsos cum quibusdam aliis interfecisse Ingherramum quondam Usinbardi de Nubila, et ipse domino archiepiscopo faciat et fieri faciat et adinplet omnia que facere et adimplere tenetur per cartam promissionis rogatam per suprascriptum Iohannem de Quactro, et cetera que in ipso instrumento continetur.
Quartum fuit rogatum et firmatum a suprascripto Iohanne notario de Oratorio suprascripto die, quo continetur qualiter suprascriptus Tedicius, eodem suprascripto modo, per omnia requisivit suprascriptum Abandonatum, in solidum una cum suprascripto Done, pro suprascriptis omnibus faciendis et inplendis, ut requisitus fuit idem Done et cetera que in dicto instrumento continentur.
Quintum fuit inquisictio et investigactio facta ex officio suprascripti Tedicii Muzacchi, vicarii sive vicecomitis suprascripti domini archiepiscopi et archiepiscopatus, contra suprascriptos Salinbenem, Bectum, Nerium et Bellomum, germanos fìlios suprascripti Salinbenis, Bindum, Maccum quondam Henrigi, Guidrinum et Gadduccium, germanos, quondam Scolarii de Nubila, et quemlibet eorum de eo et super eo, videlicet quod ipsi et quilibet eorum appensate, irato et malo animo, armati omnibus armis offensabilibus et defensabilibus fecerunt insultum in In[gherramum] quondam Usinbardi de Nubila infra confines de Nubila, in loco dicto Ponticello, et eum cum dictis armis acriter percusserunt et vulneraverunt; de quibus vulneribus multus sanguis exivit et incontinenti mortuus fuit; et hec fuerunt de mense octubris proxime preterito. Et hec inquisitio facta fuit [sub annis domini MCCX]XXIX, indictione II, pridie Idus novembris, et fuerunt moniti et requisiti, omnes suprascripti nominati, domibus eorum habitationis positis in communi Nubile et apud ecclesiam dicte terre, ex parte suprascripti Tedicii vicarii, ut, ab inde ad tertiam diem, compareant coram eo se defensuri de predictis; [et requisiti fu]erunt per Bartholomeum dictum Ciuccium, publicum nuntium Pisani archiepiscopatus in communi Nubile, suprascripto die.
Sextum fuit rogatum ab Orlando notario de Sancta Luce, sub annis domini MCCXXXIX, indictione II, VI Idus decembris, quo continetur qualiter Salinbene Alberti quondam Diotisalve [.........]ullii et predicti alii, comprehensi in dicta inquisictione, contra quo<s> processum fuit per inquisictionem suprascriptam a suprascripto Tedicio, vicario sive vicecomite aut sindico vel procuratore suprascripti domini archiepiscopi et archiepiscopatus, de suprascriptis omnibus et singulis in suprascripta inquisictione contentis, ut venirent coram suprascripto vicario sive [vice]comite se defensuri de predictis, et non venerunt. Ideo, ex parte suprascripti domini archiepiscopi, per Bartholomeum quondam Bonfilioli, nuntium et bannerium Pisani archiepiscopatus in Nubila, fuit quilibet eorum, in libris MM denariorum Pisanorum exbannitus et in publicactione bonorum suorum et in pena corporali. In quo banno cucurerunt et cetera que, in ipso banno continetur. Et Bartholomeus suprascriptus retulit se denuntiasse suprascriptis exbannitis, domibus eorum habitationis positis Nubile, cum proclamactione, predictum bannum.
Quibus confessionibus et instrumentis se obtinere debere dicebant et predictos Donem et Abandonatum et quemlibet eorum, in solidum, sibi, pro ipso domino archiepiscopo et archiepiscopatu, fore condempnandos esse allegabant.
E contra, suprascripti Done et Abandonatus predicta nil contra se facere debere dicebant, sed ad eorum cause tutelam confessiones suprascripti Tedicis Musacche, sindici sive procuratoris domini archiepiscopi suprascripti, sindicatus et procuratorio nomine pro eo, pro se inducebant in hunc modum:
Tice Musacchus, qui dicit se sindicum sive procuratorem domini archiepiscopi, sindicatus et procuratorio nomine pro eo in causa suprascripta, quam habet cum suprascriptis Done et Abandonato et Bencivenne, notario, eorum procuratore, procuratorio nomine pro eis, interrogatus si scit vel credit quod, tempore quo currebant anni domini MCCLXXXIX, indictione II, V Kalendas novembris et antea et postea, dominus Opithus, plebanus plebis Valaneti, fuerit vicarius suprascripti domini archiepiscopi et archiepiscopatus.
Respondit quod non credebat inde aliquid, et si contrarium appareret, dicebat sibi non debere preiudicare, cum haberet legiptimas exceptiones et defensiones, quas protestabatur et opponebat.
Item, interrogatus si scit vel credit quod ipse dominus Opithus, suprascripto tempore et ante et postea, exercuerit officium vicariatus pro suprascripto domino archiepiscopo in dicta terra de Nubila et in aliis, de quibus supra dicitur et infra et supra querebatur.
Procurator suprascriptus respondit quod pendebat et non credebat inde aliquid et protestabatur ut supra.
Item, interrogatus si scit vel credit quod, suprascripto tempore, et ante et postea, dictus plebanus habebatur et tenebatur et cognosciebatur in dictis terris pro vicario dicti domini archiepiscopi, et infra et supra querebatur.
Procurator suprascriptus respondebat quod pendebat et non credebat et protestabatur, ut supra.
Item, interrogatus si scit vel credit quod Salinbene quondam Deotisalvi de Nubila et Bergus, Nerius et Belluccius, eius filii, Bindus quondam Henrigi, Guidrinus et Gadduccius, germani, quondam Scolarii de Nubila, fuerunt requisiti, ex parte suprascripti domini Opithi, habentis bailiam de hiis a domino archiepiscopo suprascripto, per Succum, notarium domini archiepiscopi et communis de Nubila, ut deberent venire coram domino Opitho quia inculpabantur vulnerasse et occidisse Ingherramum Usinbardi de Nubila, et infra et supra querebatur.
Procurator suprascriptus respondit quod credebat et non credebat et protestabatur, ut supra.
Item, interrogatus si scit vel credit quod suprascripti omnes et quilibet eorum, ex parte suprascripti domini Opithi, habentis tunc bailiam ex parte domini archiepiscopi, fuerint, occasione predicta, missi in bannum et exbanniti in libris M denariorum Pisanorum et haveris et personis, infra et supra querebatur.
Procurator suprascriptus re[spondit] quod pendebat et non credebat, et protestabatur, ut supra.
Item, interrogatus si scit et credit quod dictus plebanus, tempore dicte requisictionis et banni, de ipsis requisictione et banno habuit bailiam faciendo et dando a suprascripto domino archiepiscopo, et fieri faciendo et dari faciendo et infra et supra querebatur.
Procurator suprascriptus respondit quod pendebat et non credebat, et protestabatur ut supra.
Item, interrogatus si scit vel credit quod dictum exbannimentum fuerit datum tempore quo currebant anni domini MCCLXXXIX, indictione II, V Kalendas novembris, et infra et supra querebatur.
Procurator suprascriptus respondit quod pendebat et non credebat, et protestabatur ut supra.
Item, interrogatus si de predictis omnibus est carta publica rogata per publicum notarium, et infra et supra querebatur.
Procurator suprascriptus respondit quod credebat, et protestabatur ut supra.
Quibus omnibus suprascripti Donus et Abandonatus et dictus eorum procurator, procuratorio nomine pro eis, se, a petitione suprascriptorum sindici et procuratoris suprascripti domini archiepiscopi et archiepiscopatus, sindicatus et procuratorio nomine pro eisdem, absollvendos esse narrabat.
Unde, nos, suprascripti arbitri, visis et auditis ractionibus et allegactionibus utriusque partis, et instrumentis productis a suprascriptis sindico et procuratore, sindicatus et procuratorio nomine, ut dictum est, et actitatis in causa et aliis omnibus diligenter inspectis et consideratis, secundum ea, que coram nobis proposita et allegata fuerint, Christi nomine invocato, contracto heremodicio suprascriptis Done et Abandonato et dicto eorum procuratore, procuratorio nomine pro eis, sed non per contumacia, eorum absentia dei repleta presentia, suprascriptos Donem et Abandonatum et quemque eorum, in solidum, ita quod una soluctio sufficiat, et suprascriptum Bencivennem notarium, eorum procuratorem, procuratorio nomine pro eis, in suprascriptis libris D denariorum Pisanorum, pro pena et nomine pene et in restituctione omnium bonorum ipsorum Doni et Abandonati pro predictis obligationibus et in libris III denariorum Pisanorum minutorum, pro expensis factis in suprascripta causa a suprascriptis Tedicio et Iohanne, sindicis et procuratoribus, procuratorio et sindicatus nomine, ut dictum est, accepto a dicto Iohanne, sindico et procuratore, iuramento, sub quo dixit se tantum in dicta causa expendisse et a nobis, taxactione premissa, suprascriptis Tedicio et Iohanni, sindicis et procuratoribus suprascripti domini archiepiscopi, et Abandonatus, sindicatus et procuratorio nomine pro eisdem et ipsis domino archiepiscopo et archiepiscopatui, nostra sententia condempnamus et ita ad penam in dicto compromisso appositam dicimus et pronuntiamus.
Ab aliis, autem, supra petitis suprascriptos Donem et Abandonatum et dictum eorum procuratorem, procuratorio nomine, pro eis, absolvimus et liberamus.
Data et lecta est Pisis, in curia nova pupillorum, que est in domo Pisani communis, presente suprascripto Iohanne sindico et absentibus suprascriptis Done et Abandonato et dicto eorum procuratore, ipsis tamen prius requisitis per Gaddum Cappellanum, nuntium Pisani communis, et presentibus Canneto vinario quondam Iohannis de cappella sancta Viviane et Dato Cangnasso de cappella sancti Michaelis de Burgo quondam Simonis de Sambra, testibus ad hec rogatis, dominice incarnationis anno MCCLXXXXI, indictione III, V Kalendas septembris.
Gaddus Cappellanus, nuntius Pisani communis, retullit Iacobo notario se denuntiasse suprascriptis Doni et Abandonato, domibus habitationis eorum, publice cum proclamactione, qualiter dicta sententia lata est contra eos eo modo et forma ut supra per omnia continetur, IIII Kalendas septembris, suprascriptis anno et indictione.
(S) Ego Michael de Titignano filius Iohannis notarii, imperatorie dingnitatis iudex ordinarius atque notarius, hanc sententiam a suprascriptis iudicibus et arbitris latam, ut in actis Iohannis notarii mei patris inveni, sua parabola et mandato, scripsi et in publicam formam redegi.
Contattaci per maggiori informazioni
Email: info@culturaemedioevo.it