Medioevo Livorno
Cultura e Medioevo
Pubblicazione e trascrizione di documenti medievali da archivi storici di varie epoche.
Archivio Arcivescovile di Pisa, Diplomatico Fondo Arcovescovile n.2790
1147 maggio
Contattaci per maggiori informazioni
Email: info@culturaemedioevo.it
maggio 1147
Archivio Arcivescovile di Pisa, Diplomatico Fondo arcivescovile n. 2790
Edizioni:
Carte dell’Archivio Arcivescovile di Pisa. Fondo arcivescovile 2 (1101-1150), cur. S. P. P. Scalfati, Pacini Editore [Biblioteca del Bollettino Storico Pisano. Fonti 11,2], Ospedaletto (PI) 2006, n.156 pp.283-285.
Regesto:
Corrado III conferma ai canonici della chiesa pisana tutti i diritti e le proprietà, in particolare la selva di Tombolo e la corte di Pappiana.
Fatto a Ratisbona.
Rogò Arnolfo cancelliere, vice dell'arcicancelliere Enrico, arcivescovo di Magonza.
Originale:
In nomine sancte et individue trinitatis. Conradus divina favente clementia Romanorum rex secundus.
Cum nulli debeamus deesse, precipue tamen circa ecclesias et circa ministros earum studere debemus quatinus ipsorum interventu sic transeamus per bona temporalia, ut non amittamus aeterna.
Proinde omnium fidelium nostrorum tam futurorum quam presentium noverit industria qualiter nos petitione et humili supplicatione canonicorum Pisane ecclesiae pro remedio anime nostre confirmavimus Pisane ecclesiae et canonicis ipsius possessiones ab antiquis imperatoribus sibe regibus e iusdem ecclesia canonicis datas et concessas.
Ad exemplum itaque antecessorum nostrorum domini Henrici quarti regis tertii Romanorum imperatoris augusti et Lotharii tertii Romanorum imperatoris augusti tradinus, concedimus et confirmamus im perpetuum canonibis sancte Pisane ecclesiae in proprietatem et possessionem silvam Tumulum Pisanum a faucibus veteris Sircli usque ad fauces Arni e a fossa Cucii, que est prope fossam Caballariam, usque ad mare et tertias piscarie de Stagno et omnia que iuste et legaliter possident, idest decimas, predia, domos et familias et gaurigangas omnes que eorum prediis adherent et omnino omnia que iustis modis canonice et legaliter adquisierunt et adquirere poterunt.
Item confirmamus et largimur prefatis canonicis centum soldos de ripa et rubum de tota civitate, ut nemo sine ipsorum permissione presumat appendere vel librare.
Curtem quoque de Papiana nostra concessione auctoritate et banni nostri confirmatione teneant et de cetero absque alicuius contradictione libere disponant et proprietario iure quiete possideant.
Et si quid post hanc concessionem in eadem curte adquisierint, quiete et libere possideant.
Ipsos et sancte Pisane ecclesiae iamdictos canonicos sub nostra tutela et defensioine recipimus, ita videlicet ut nulla persona magna vel parva, nullus dux, nullus marchio, nullus archiepiscopus vel episcopus, nullius denique vel officii vel ordinis homo audeat ipsos canonicos vel eorum res et familias inquietare, molestare vel aliquo modo fatigare nec ad placitum nec causam forensem nisi in curia nostra invitare, sed securi et absque nulla perturbatione divinis possint servitiis vacare et pro nostri statu imperii propensius exorare.
Pretera statuimus ut numquam temporis prescritione predicti canonici iura sua et possessiones perdant.
Si quis autem, quod non credimus, temeraria presumptione huius nostri precepti decretum infringere temptaverit nostreque constitutionis violator extiterit, sciat se nostram offensionem incursurun et banni nostri penam compoditurum, scilicet centum libras auri optimi, medietatem camere nostre et medietatem ipsis canonicis, qui pro tempore ibi fuerint.
Quod ut verius credatur et ab omnibus diligentius custodiatur, sigilli nostre impressione oiddomud insigniri.
Acta sunt autem haec Ratisbone, presentibus Henrico Ratisbonensi episcopo, Odone Frisiensi episcopo, Alberone Exstatensi episcopo, Raiberto Pataviensi episcopo. Herico duce de Bauuaria, Hermanno palatino comite, Friderico Ratisbonensi advocato, Godefrico vomite de Nuurenburc.
Signum domini Cuonradi Romanorum regis secundi.
Ego Arnulfus cancellarius, vice Henrici Moguntini archiepiscopi et archicancellarii, recognovi.
Anno dominice incarnationis MCXLVII, inditione VIII, regnante Cuonrado Romanorum rege II, anno vero regni eius V.
Data Ratisbone.
In Christo felicitrer amen.