Medioevo Livorno

Cultura e Medioevo


Archivio Arcivescovile di Pisa, Diplomatico Fondo Arcivescovile n.2803

1159 luglio 19

Pubblicazione e trascrizione di documenti medievali da archivi storici di varie epoche.


Contattaci per maggiori informazioni

 Email: info@culturaemedioevo.it

19 luglio 1139

Archivio Arcivescovile di Pisa, Diplomatico Fondo Arcivescovile n-2803


 

Edizioni:

Carte dell’Archivio Arcivescovile di Pisa. Fondo arcivescovile 2 (1101-1150), cur. S. P. P. Scalfati, Pacini Editore [Biblioteca del Bollettino Storico Pisano, Fonti 11,2] Ospedaletto (PI) 2006, n.128 pp.238-240.


 

Regesto:

Corrado III conferma all’arcivescovo di Pisa tutte le proprietà e il contratto stipulato fra il predecessore dell’attuale arcivescovo e l’abate di Morrona, concede l’esenzione dei diritti di Ripatico e annulla la concessione del feudo di Livorno fatta al marchese Guglielmo Francigena e fratelli.


 

Originale:

Exemplum.

In nomine sancte et individue trinitatis. Cuonradus, divina favente clementia Romanorum rex secundus, dilecto et venerabili Balduvino, Pisanorum archiepiscopo, eiusque successaribus canonice sustituendis in perpetuum.

Si sacrosanctis dei ecclesiis et regni fidelibus, maxime episcopis, de facultatibus regni nobis a deo collati aliqua liberalitate regia conferamus, non credimus regnum diminuere sed augere.

Predecessores enim nostros, bone memorie reges et imperatores, ecclesias ex novo fundasse et fundatas ex bonis regni ditasse cognovimus.

Eapropter omnibus nostris fidelibus tam presentibus quam futuris notum esse volumus quod pietatis intuitu serenissime interventu Gertrudis auguste consortis regie celsitudinis et gloriose, interventu etiam karissimi germani nostri Odonis, reverendi Frisigensium episcopi necnon et abbatum videlicet Bernardi Clarevallensis magne sanctitatis viri atque Adam Eberacensis, tibi Balduvino, veneranili Pisanorum archiepiscopo, tuisque successoribus in perpetuum regali largitione donavimus et concessimus et inconvulsa permanere pragmatica santione decernimus que propriis nominibus subnotantur, scilicet:

curtem de Avane cum bovario et Morlo et omnibus suis pertinentiis;

terras in palude Pisana iuxta burras positas;

item unam petiam de terra pratum in prefata palude prope Campum de Arsula positam, que coherer ab uno capite terre monasterii sancti Viti, ab altero capite fluvio Hauseris, latus unum extenditur in palude, alterum latus in ducaria que dicitur Cula, sicut ipsa ducaria defluit versus fluvium Hauseris;

curtem de Blentina cum omnbus terris et rebus ad ipsam curtem pertinentibus;

placitum et fodrum de Buiti;

placitum et fodrum de Vico Auserissule;

placitum et fodrum sancti Iohannis de Vena;

placitum et fodrum de Silvalunga;

Gonfum vetus et novum;

placitum et albergariam de Pugnana et Valtriana;

placitum et fodrum de Vada et Rasingnano et omnes terras in supradictis duabus curiis marchie pertinentibus;

paludem totam de Mortaiolo et tertiam in Stagno positam;

feudum Spettariorum qui morantur in burgo Sancti Pauli in Kinthica;

presas Cassaulensium et illorum de Ripule in Campo Lepoiano positas.

Predictas igitur curtes cum oomnibus suis pertinentiis et omnibus terris, vineis, montibus, pascuis, aquis aquarumque decursibus factis et faciendis, salinis, molendinis in iamdictis curtibuset prenominatis locis et eorum finibus regio iuri pertinentibus, tibi prefato Balduvino, venerabili archiepiscopo, tuisque successoribus concessimus.

Confirmamus etiam nostra auctoritate contractum habitum inter predecessorem tuum beate memoiri Ubertum et abbatem de Morrona, scilicet de Morrona et Vivario et eorum pertinentiis.

Preterea irritum decernimus feudum de Livurna concessum irrationabiliter marchionibus, videlicet Guilihellmo Francigena eiusque fratribus.

Decernimus etiam ut de his omnibus nulli persone ecclesiastice vel seculari feudi nomine vel alio aliquo titulo liceat aliquid ab ecclesia alienare. Quod si factum fuerit, irritum habeatur.

Preterea donamus et concedimus tibi tuisque successoribus in perpetuum tributum quod ripaticum vocatur et ab omni parte Pisane civitatis debetur. Atque statuimus ut a quibuscumque petitur et exigitur a te tuisque successoribus ad partem Pisane ecclesie petatur et exigatur.

Si quis igitur archiepiscopus, episcopus, dux, marchio, comes vel alia aliqua persona ecclesiastica vel secularis contra hanc nostre institutionis et donationis paginam aliquid presumpserit, centum libbtas auri purissimi, medietatem camere nostre et medietatem prefate ecclesie, componat.

Ut autem hec nunc et in perpetuum rata et inconvulsa permaneant, sigilli nostri impressione corroborari mandavimus.

Testes quoque presentes adherentes subnotari fecimus. Nomina quorum hec sunt:

Otto Frisingensis episcopus,

Adam Eberacensis abbas,

Sigilbertus Babenbergensis electus,

Gotescalcus de Sancta Cruce,

marchio Heinricus marchionis Lupoldi filius,

Henricus comes Lecheskemunde,

Manegaldus de Vuerde,

Hvaltherius de Lovenhusen,

Gatefridus castellanus de Nurenberch,

Folquinus magister scolarum Frisingensium

et alii quamplures-

Signum domini Cunradi regis Romanorum secundi,

(S) Ego Arnoldus cancellarius, vice Alberti Moguntini archicancellarii, recognovi.

Anno dominice incarnationis MCXXXVIIII, indictione II, regnante Chounrado Romanoru rege II, anno vero regni eius secundo,

Data Nuorenberch XIIII Kalendas augusti.

In Christo fe liciter amen.

(S) Ego U(guicio), domni imperatoris Frederici iudex ordinarius et sacri Lateranensis palatii notarius, autenticum huius vidi et legi et ideo hic subscripsi.