Medioevo Livorno
Cultura e Medioevo
Pubblicazione e trascrizione di documenti medievali da archivi storici di varie epoche.
Archivio Arcivescovile di Pisa, Diplomatico Fondo Arcivescovile n.2904
1132 settembre 2 - 1133 maggio 7
Contattaci per maggiori informazioni
Email: info@culturaemedioevo.it
2 settembre 1132 – 7 maggio 1133
Archivio Arcivescovile di Pisa, Diplomatico Fondo Arcivescovile n. 2804.
Edizioni:
Carte dell’Archivio Arcivescovile di Pisa. Fondo arcivescovile 2 (1101-1150), cur. S. P. P. Scalfati, Pacini Editore [Biblioteca del Bollettino Storico Pisano. Fonti 11,2], Ospedaletto (PI) 2006, n.82 pp.158-160.
Regesto:
Barucio del fu Guido, sua moglie Gisla e altre persone vendono all’arcivescovo di Pisa la metà di una terra in località Montalto per il prezzo di dieci lire.
Fatto a Calcinaia e a Travalda.
Rogò Lamberto, notaio del sacro palazzo lateranense.
Originale:
(S) In nomine domini nostri Iesu Christi dei eterni. Anno ab incarnatione eius millesimo centesimo trigesimo tertio, quarto Nonas septembris, indictione decima.
Manifesti sumus nos Barucio filius quondam Guidonis et Gisla uxor eius et filia Ildebrandi et Ildebrandus filius quondam Pacci et Oliverius et Dalimanus atque Guinithellus germani filii iamscripti Ildebrandi et Ermellina uxor predicti Dalimani et filia Golfi ******* / ****** quia comuniter consentientibus nobis iamscriptis viris nostris et nobis iamdictis germanis consentiente prefato Ildebrando genitore nostro, ubi interesse videtur notitia Lamberti iudicis a quo secundum legem interrogate et cognite sumus nullam pati violentiam, set pura et bona nostra voluntate secundum edicti paginam, per hanc cartulam vendimus et tradimus tibi omnipotenti deo et eclesie beate virginis Marie, ubi archiepiscopatus sedes inclite Pisanorum gentis celitus costituta esse manifeste declaratur, integram meditatem unius petii terre cum silva super se habita, que est posita prope plebem de Triana in loco ubi dicitur Montalto, et tenet unum caput in terra filiorum quondam Gualfredi comitis et de suis consortibus, aliud caput tenet in terra iamscripte sancte Marie et Maleparute filii quondam Guidonis comitis et de suis consortibus, latus unum tenet in rivo et in silva Sancti Petri, aliud latus tenet in terra Lanfranci et Alberti atque Raimundi germanorum filiorum quondam Gerardi et de suis consortibus.
Predictam vero integram medietatem iamscripte petie de terra in integrum cum inferiorubus et superioribus suis seu cum finibus et ingressibus suis et cum omni iure et proprietate et actione sua tibi ut dictum est vendimus et tradimus pro decem libris Lucensis monete in prefinito.
Quam nostram venditionem, si nos vel nostri heredes sive cui nos eam dedissemus aut dederimus retollere vel minuere quesierimus per aliquod ingenium tibi iamdicte eclesie ………… pro tempore rectoribus sive cui ipsi ex parte iamscripte eclesie dederint vel habere decreverint, et si nos exinde auctores dare volueritis et eam vobis ab omni nomine defendere non potuerimus et non defenderimus, spondemus nos vobis una cum nostris heredibus componere iamscriptam nostram venditionem in duplum in ferquido loco, sub extimatione qualis tunc fuerit, et insuper nomine pene quinquaginta libras optimi argenti.
Et in tali ordine hec scrivere rogavimus Lambertum notarium apostolice sedis,
Actum Calcinaria ex parte predicti Barucii et eius uxoris, millesimo centesimo trigesimo tertio, quarto Nonus septembris, indictione X.
Ex parte vero Ildebrandi et filiorum atque nurus eius est actum Travalda, millesimo centesimo trigesimo quarto, Nonus madii, indictione XI.
Signa manuum iamscriptarum personarum que hac cartulam comuniter legaliterque, sibi invicem consentientes, fieri rogaverunt.
(S) Ego Lambertus, sacratissimi Lateranensis palatii iudex, his interrogator interfui ideoque subscripsi.
Signa manuum Sesmundi quondam Conetti, Erithetti quondam Erithi, Sesmundini quondam Ildebrandi, Falconis quondam Pagani, Bili…… quondam Gutri, Deotisalvi quondam Brettonis, rogatorum testium a Barucio et eius uxore.
Signa manuum Vitalis filii Pucciri, Tebaidi quondam Luccioli, Ciabatti quondam Iohannis, rogatorum testium ab Ildebrando et filiis eius et Ermellina uxore Dalimani.
(S) Ego Lmbertus, apostolice sedis notarius, hanc cartam post traditam complevi et dedi.
Oliverius, consentiente sibi iamdicto Ildebrando genitore suo, obligavit prenominate ecclesie et domini Uberto eiusdem venerabilis eclesie archiepiscopo quicquid sibi pertinet in curte de Triana ut sit proprii iuris iamscripte eclesie, si Marchesella uxor eius vel eius heres vel aliqua persona pro ea molestaverit predictam eclesiam vel eius pro tempore gubernatores de sua parte de iamscripto Montalto, ad iamscriptum datare, locum et indictionem.