Medioevo Livorno

Cultura e Medioevo


Pubblicazione e trascrizione di documenti medievali da archivi storici di varie epoche.

Archivio Arcivescovile di Pisa, Diplomatico Fondo Arcivescovile n.2806

5 marzo 1137


Contattaci per maggiori informazioni

 Email: info@culturaemedioevo.it

5 marzo 1137

Archivio Arcivescovile di Pisa, Diplomatico Fondo Arcivescovile n.2806.


Edizioni:

- F. Ughelli, Italia Sacra, III, Venezia 1718, col. 388-389.

- Bullarum, privilegiorum ac diplomatum Romanorum pontificum amplissima collectio. Tomus Secundus. Ab Alexandro II ad Alexandrum III., scilicet ab An. MLXI ad An. MCLXXXI, cur. C. Coquelines, Roma 1739, pp. 220-1.

- Innocentii II pontificis Romani epistolae et privilegia, in: Patrologia Latina, CLXXIX, cur. J.-P. Migne, Parigi 1855, n. 269 col. 321-323.

- Acta Pontificum Romanorum Inedita, II, cur. J. v. Pflugk-Harttung, Stuttgart 1884, n. 318 pp.279-280.


Traduzione italiana:

Raffaello Roncioni, Istorie Pisane, in: Archivio Storico Italiano VI, 1, 1844, pp.246-247.


Copia:

Archivio di Stato di Pisa, Diplomatico Atti Pubblici n.6.


Regesto:

Bolla di Innocenzo II a Uberto arcivescovo di Pisa con la quale si confermano sottoposte alla giurisdizione dell'arcivescovado pisano chiese, cappelle, castelli e altro.


Originale:

Innocentius, servus servorum dei, venerabili fratri Huberto, Pisano archiepiscopo eiusque successoribus canonice substituendis in perpetuum.

Pisanorum ecclesia specialis sancte Romane ecclesie filia a longis retro temporibus ad servendum beato Petro et Romanis pontificibus prompta extitit et devota, quod et ipsum in persona nostra manifesti indiciis comprovabimus et pre ceteris antecessoribus nostris, ingruente necessitate, ecclesie devotionem cleri et populi Pisane civitatis certis rerum sensimus argumentis. Accedit ad hoc tua familiaritas et dilectio, venerabilis frater Huberte archiepiscope, quem ob specialem prerogativam ad regimen ecclesie beate Marie semper virginis cui, deo auctore, presides de gremio sedis apostolice ex magna benignitate concessimus et propriis tanquam beati Petri manibus archiepiscopalis dignitatis infula decoravimus. Pro quibus omnibus eandem beate dei genitricis domum ampliori gratia et benivolentia dignam fore censemus et cum omnibus ad eam pertinentibus presentis scripti pagina communimus.

In primo siquidem statuentes ut decime Pisani episcopatus, que tibi competunt secundum sanctorum canonum instituta, in tua et successorum tuorum dispositione consistant; honestas quoque personas in episcopali sede ac prefata beate dei genitricis ecclesia iuxta sanciones canonum ordinare et ibidem canonicos constituere et que ibidem fuerint corrigenda canonice corrigere seu alias plebes vel capellas tuas disponere nichilominus habeas facultatem.

Decernimus etiam ut, quascumque possessiones, quecumque bona prefata beate Marie ecclesia in presentiarum iuste et canonice possidet aut in futurum, concessione pontificum, largitione regum vel principum, oblatione fidelium, seu aliis iustis modis, praestante domino, poterit adipisci, firma tibi tuisque successoribus in perpetuum et illibata permaneant.

In quibus hec propriis duximus exprimenda vocabulis, videlicet:

  castrum et curtem  de [Nuvi]la,

  castrum et curtem de Lorenthana,

  castrum et curtem de Sancta Lucia,

  castrum et curtem de Monte Calvo,

  tres partes castri et pogii de Ripastricaria,

  novem partes de quatuordecim partibus castelli et curtis de Belora et Boveclo,

  quintam partem castri et curtis de Segalare,

  duas partes castri et curtis de Plumbino,

  placitum et fodrum de Vada,

  placitum et fodrum de Rasignana,

  castrum et curtem de Lari,

  medietatem castri et curtis de Ceule,

  medietatem castri et curtis de Lucagnano,

  placitum et fodrum de Buiti,

  placitum et fodrum de Vico,

  curtem de Blentina,

  placitum et fodrum Sancti Iohannis de Vena,

  Gonphum Novum et Vetus,

  castrum episcopale de Calche cum curte sua,

  curtem de Papiana cum eius pertinentiis,

  curtem de Avane cum Morlo et Bovario et aliis eius pertinentiis,

  Tumulum ab Arno usque ad Stagnum, a terra filiorum Dodonis et Castagnolo usque ad mare et a Coltano usque ad mare,

  terciam in Stagno positam,

  castrum et curtem de Livorna,

  castrum et curtem de Usiliano positum prope Chesinam,

  medietatem castri et curtis de Colliule,

  castrum et curtem de Riocavo,

  terram Ubertingam.

Preterea plebes prefate dei genitricis ecclesie pertinentes tibi tuisque successoribus nichilominus confirmamus, videlicet:

  plebem de Calcinaria cum capella sancti Angeli de Travalda, capella de Rabida cum capella de Planethule et omnibus aliis capellis eidem plebi pertinentibus,

  plebem de Buiti cum capella sancti Marci de Submonte cum omnibus aliis suis capellis,

  plebem de Vico Ausurissule cum omnibus suis capellis,

  plebem sancti Iohannis de Vena cum omnibus suis capellis,

  plebem de Cascina cum omnibus suis capellis,

  plebem sancti Cassiani cum omnibus suis capellis,

  plebem sancte Iulie cum omnibus suis capellis,

  plebem sancti Laurentii de Curte cum omnibus suis capellis,

  plebem de Calci cum omnibus suis capellis,

  plebem de Asciano cum omnibus suis capellis,

  plebem de Massazuculi cum capella sancte Agathe de Clatri, capella sancti Prosperi de Bozano, capella de Balbano cum omnibus aliis suis capellis,

  plebem de Avane cum suis capellis,

  plebem de Pugnano cum capella de Laiano et omnibus aliis suis capellis,

  plebem de Rivulo,

  plebem de Arena,

  ecclesiam sancti Nicolai de Peratino,

  plebem de Livorna,

  plebem de Larzentha cum omnibus suis capellis,

  plebem de Limone cum omnibus suis capellis,

  plebem sancti Laurentii de [Platha] cum omnibus suis capellis,

  plebem de Scutriana cum omnibus suis capellis,

  plebem de Camaiano cum omnibus capellis suis,

  plebem sancti Angeli cum omnibus capellis suis,

  pleb[em] de Pom[aria et Montevaso] cum omnibus capellis suis,

  plebem de Rasignano cum omnibus capellis suis,

  plebem de Vada cum omnibus capellis suis,

  plebem de Ripalbella cum ecclesia sancte Perpetue et territorio ecclesie sancti Cassiano de Mollazano et omnibus aliis capellis eidem plebi pertinentibus.

Ut autem ad complementum securitatis seu corroborationis horum omnium nichil vobis desit, cuncta que in territoriis predictarum plebium seu etiam intra terminos plebium infrapositarum, videlicet:

  plebis de Triana,

  plebis de Miliana,

  plebis de Tripallo

  plebis de Gello in Collina,

  plebis de Biboni,

  plebis de Paratini,

iure proprietatis ad prefatam Pisanam ecclesiam pertinent, apostolica vobis auctoritate firmamus, salvo nimirum iure beati Petri et sancte Romane ecclesie.

Nulli ergo omnino hominum fas sit predictam Pisanam ecclesiam temere perturbare aut eius possessiones auferre vel ablatas retinere, minuere seu quibuslibet molestiis fatigare, sed omnia integra conserventur eorum pro quorum sustentatione et gubernatione concessa sunt usibus omnimodis profutura.

Si qua igitur in posterum ecclesiastica secularisve persona, hanc nostre constitutionis paginam sciens, contra eam temere venire tentaverit, secundo terciove commonita, nisi reatum suum congrua satisfactione correxerit, potestatis honorisque sui dignitate careat reamque se divino iudicio existere de perpetrata iniquitate cognoscat et a sacratissimo corpore et sanguine dei ac domini redemptoris nostri Iesu Christi aliena fiat atque in extremo examine districte ultioni subiaceat.

Cunctis autem eidem loco que sua sunt servantibus, sit pax domini nostri Iesu Christi, quatenus et hic fructum bone actionis percipiant et apud districtum iudicem premia eterne pacis inveniant.

Amen amen amen.

(S) Ego Innocentius, catholice ecclesie episcopus, subscripsi.

Ego Bernardus, presbiter cardinalis tituli sancte Crucis in Hierusalem, subscripsi.

Ego Anselmus, presbiter cardinalis sancti Laurentii in Lucina, subscripsi.

Ego Littifredus, presbiter cardinalis tituli Vestine, subscripsi.

Ego Lucas, presbiter cardinalis tituli sanctorum Iohannis et Pauli, subscripsi.

Ego Teodewinus, sancte Rufine episcopus, subscripsi.

Ego Gregorius, diaconus cardinalis sanctorum Sergii et Bachi, subscripsi.

Ego Guido, diaconus cardinalis sancti Adriani, subscripsi.

Ego Hubaldus, diaconus cardinalis sancte Marie in Via Lata, subscripsi.

Ego Grisogonus, diaconus cardinalis sancte Marie in Porticu, subscripsi.

Ego Ivo, diaconus cardinalis sancte Marie in Achiro, subscripsi.

Ego Bernardus, presbiter cardinalis tituli sancti Grisogonis, subscripsi.

Datum apud Campilium per manum Aimerici sancte Romane ecclesie diaconi cardinalis et cancellarii, III Nonas martii, indictione quintadecima, anno millesimo centesimo trigesimo septimo, pontificatus Innocentii pape II anno VIII.